ceramah Bugis tentang Al Qur'an

AL-QUR’AN SEBAGAI PEDOMAN HIDUP

OLEH : MAHMUD NURDIN, S. Pd.

السلام عليكم ورحمة الله وبركا ته

الحمد لله رب العا لمين. والصلاة والسلام على اشرف الانبياء والمرسلين وعلى اله وصحبه اجمعين.

إقرأ باسم ربك الذي خلق. خلق الانسان من علق. إقرأ وربك الاكرم. الذى علم بلقم. علم الانسان مالم يعلم. اما بعد

Alhamdulillah wasyukurillah, siddi tanra maraja makkada sininna pappenyamengnge iyya engkae maneng irasakang engkai ritu mannessa siddimi polena iyyanaritu PAT. Puang sewwa, puang maraja kamase, puang pancajiengnge lino lollong lise.

          Salawa enrengnge passalama ipangolo massei riale malebbi’na Nabitta Muhammad SAW, tau nasserie pammase nenniya asalamakeng ri lino lettu esso rimunrinna PAT.

Umma selleng malebbi’ku engkae hadere

          Engka tellu pakkutana iyya melo’e upalettukengngi naikiya de’to naparellu ijawab, iyyanaritu:

1.    Engkagamoga Akorang ri lalenna tassiddie bolana idi umma sellengnge?

Nulle jawabanna “de nayamanenna punnai”

2.    Iyyaro punnae Akorang okko bolana, nulle maneng moga baca madecengngi Akorangnge?

Nulle jawabanna pakkutanaewe“de’to nayamanenna missengngi”.

3.    Kira-kira napahang maneng moga tau bacaiyye lise’na Akorangnge?

Kira-kira jawabanna “de’to nayamanenna napahang”

          Sikira-kira iyyanaro tellue pakkutana mancaji siddi persoalan iyya parellue ipikkiriki idi sininna umma sellengnge. Magai? Nasaba, ripahang madecengngi makkada iyyaro akorangnge engkaritu merupakan pattiro laleng. هدى للناس

          Yakkelebarakengngi Narekko tojokka nainappa tolennye, yarega topusa laleng, naluru tomakkutana nainappa tolisu sibawa salama. Alhamdulillah. Makkutoro Akorangnge, narekko topusa tangnga, tololongeng perri yarega susssa iyya de’e nairuntu passumpunna…ee tatimpai Akorangnge, nainappa tabaca sibawa madecengngi.

ذلك الكتاب لاريب فيه هدى للمتقين.

Namanuru tau panritata makkada, iyyapa nawedding mancaji pattiro laleng Akorangnge narekko engkairitu IBACA enrengnge ripahangngi risesena tau mateppe’e. IBACA lagi belum tentu ipahanna, oncoppiha narekko de’memenna naribaca.

Umma selleng malebbi’ku engkae hadere

          Parellu toi ripahang madeceng maneng makkada, Alhamdulillah bentuk perhatian pemerintah terhadap Pendidikan Al Qur’an sangat tinggi, terbukti dengan adanya peraturan ; de’ naitarima massikola narekko de’ naissengngi bacai Akorangnge.

          Eke’’….mega mopa iruntu makkukkue, matanre sikolana naikiya de’mopa nissengngi bacai akorangnge, ato nissessi bacai tp tassakka-sakkamopi, dsb.

          Umma selleng malebbi’ku engkae hadere

Sadar dan tidak sadar, makkukkue…. Nakkuragaiki taue sesa serekkuammengngi tomabela pole Akorangnge. Pertama, mubba’na Televisie, apa yg terjadi ele’ tengngasso, wenni..hampir setiap saat kita duduk didepannya. Kedua, mubba’si HPwe, de’nagaga, iparikantong laloni, kega-kegaki lao okkoitu engka. Internet, FB, Twitter, Google, dll. Yamannenaro wedding pabelaiki pole Akorangnge.

          Siddi conto : mabiasa iruntu ripallawangetta, narekko meloi massu jokka-jokka, takko engka nallupai, nakkeda : “jolo…joloe’… wallupai HPku. De’mana nengka riangkalinga makkada, “jolo…joloe’… wallupai baca Akorang, “jolo…joloe’… wallupai Massempajang, “jolo…joloe’… wallupai massumbang dsb….. itu menandakan bahwa materi yarega waramparang jauh lebih diatas dibanding dengan Agama. Nasaba iyyaro agamae nanggai de’napita, iyyatosi waramparangnge parellui iyyappitang nasaba poji riale.

         

Umma selleng malebbi’ku engkae hadere

          Ini adalah fakta, ini adalah nyata makkada makkoiro memang keadaangnge. Iyyako tannia idi bacai akorangnge….nigana pale. Iyyako tomatoanna de’pa nabacai, mammuare wijanna tonaha napammanareng baca Akorang.

          Tabandingkanni guru pangngajie sibawa guru pakkelongnge; maladde sisala, bettuanna bentuk pappakarajana. Juara Manggaji sibawa Juara Karaoke, maladde sisala. Pappatemme Akorangnge narekko engka tomate, pattalakingnge, pabbarazanjie, dsb.

          Membaca buku, surat kabar, majalah, novel, dsb, mungkin tdk cukup 1 hari bisa kita baca, tp bagaimana dg Al Qur’an? Silampa’ nala upe, apalagi siddi juz.

          Narampei Nabita makkadda :

تركت فيكم امرين ما إن تمسكتم بهما لن تضل ابدا كتا ب الله وسنة رسول الله ص.م.

Bettuanna :”uppamanerekko mennang Akorang sibawa Haddese, namancaji sulo laleng nade’ mupusa”

          oleh karena itu,  usaha dan kerja keras idi maneng umma sellengnge, oroane nenniya makkunrai untuk menjaga, membaca, memahami dan mengamalkan Al Qur’an itu sendiri, serekkuammengngi betul2 macaji sulo laleng molaiwi atuotuongetta rilino lebbi-lebbipa matti riesso rimunrinna PAT.

Umma selleng malebbi’ku engkae hadere

          Idi tomatoa malebbi’ku…..aja napoleiki pakkutana matti riesso rimunrinna PAT pole riwija-wijatta makkade; “eh puang,… uwillauwi adele’ta puang pole ripangkaukenna tomattoakku iyya de’e naperhatikangngi paddissengngekku”.

          Waji’i idi tomatoe pattuntui paddissengeng wijatta serekkuammeng weddingngi mancaji wija mapato, mallibu namallibu tello, macca namacca jarung, polei papolei ininnawa, laoi taroi sengereng.

ربى هبلى من الصالحين.

          Makkoniro wala ada assiperingngerrangeng, mammuarei engka barakka’na lao riidi maneng makkotoparo paimeng lao ri alena tomabbicarae.

بارك الله لى ولكم

والله يتولى الصا لحين

والسلام عليكم ورحمة الله وبركا ته