ceramah Bugis tentang Passelenna ampe kedoe

PASSELENNA AMPEKEDOE

OLEH : MAHMUD NURDIN, S. Pd.

السلام عليكم ورحمة الله وبركا ته

الحمد لله رب العا لمين. والصلاة والسلام على اشرف الانبياء والمرسلين وعلى اله وصحبه اجمعين. اما بعد

Umma selleng male’bikku engkae hadere

Alhamdulillah wasyukrillah, sinninna pappenyenyamengnge iyya engkae simanata nawerengngi PAT esso nenniya wenni waji’i isukkuruki, muttamaki wawang madoraka narekko pada engka manekki massakkarengngi rigau engkana de’ tasukkurukiwi nasibawai akkasiwiang ri PAT padatoha iya padaengkae maneng ipasilennereng iyye wennie. Mammagi-magi PAT natarima malempui sininna akkatta madecetta maneng, serekkuammengngi nawerengngi pammase ri lino makkotoparo matti riesso rimunrinna PAT. Aamin.

          Makkotoparo paimeng muttamaki wawang nawereng asalamakeng PAT rigau engkata simata massalawa enrengnge mappassalama ri nabitta Muhammad Saw. Nabi iyya engkae riutusu mancaji pammase risininna tau mateppe’e.

الله يصلون على النيى ياايها الذين امنو صلوا عليه وسلموا تسليما.

Umma selleng male’bikku engkae hadere

          Siddi persoalan iya mawerre’e rioloi makkukkue iyyanaritu “PASSELENNA AMPEKEDOE ”.

          Alhamdulillah tosukkuru mitai generasitta makkukkue hampir sebagian besar massikola maneng tauwe, siddi tanra makkada perhatian pada pendidikan kita semakin meningkat.

          Eke’’..mitti wae matae enrengnge massi babuae mita saisanna passikolae, magai? Nasaba pergaulan yg disertai dengan teknologi yg super iyya naoloi tau linoe makkukkuwe mampu merubah segalanya sininna iyya purae naggurui. Malempue wedding lesse, majjekkoe wedding mallempu…dan lain sebagainya.

          Teknologi tidak salah, justru itu merupakan bukti kerja keras manusia. Tapi fungsinya yang banyak disalahgunakan oleh manusia itu sendiri. Itu artinya bahwa kita belum siap dengan teknologi itu.

          ظهر الفساد فى البر و البحر بما كسبت ايد الناس...

Bettuanna “akkasolangengnge naitae mata engkairitu nassabari pole ri rupa tauwe”

Umma selleng male’bikku engkae hadere

          Pura ripahang madeceng riseseta maneng makkada, Nabitta ripaturung ri tana Ara’ nasaba pangkaukenna pabbanua maladde lesse enrengnge makkasolang risesenna akkalinoangnge.

انما بعثت لئتمما مكارم الاخلاق.

“majeppu engkaka riutusu serekkuammengngi padecengiwi ampe kedoe”naseng nabitta

          Narekko tullisu ranna-rannai yarega padecengi pakkitae mitai pakkalinoangnge makkukkue. Eeee….. samanna sedding engkaitu mappatasseleng-seleng ripallawangetta. Nasaba Iyyaro ampe kedoe iyya nitae mata…samanna de’nagaga watasa’na ripallawengenna oroanewe sibawa makkunraie, tomatoae sibawa wijanna dan lain2 sebagainya. Siddi conto : maega wija-wija makkukkue lemmu nyawana belle tuo-tuoi tomatoanna. Manessa makkada passikola, makkuliani yarega sarjanatoniga, eke…. Paddissengenna de’pa naulle paddupai riolona tomatoanna. Naripahang madeceng makkada akkatta madecenna tomatoae pattuntui paddissengeng wijanna, de’lainna sangngadinna melo’i mitai wijanna pasilaingengngi kegai tuju, kegaero madeceng enrengnge kegae sala, gau madecengnge enrangnge gau salae,…serekkuammengngi weddingngi napukedo rilalenna atuwo tuwengenna. Bettua ada, meloi mitai madeceng arega makessing AMPE KEDOEna wijana.. iyyana kira-kirae minasanna sininna tomatoae ri wija-wijanna.

وخالق النا س بخلق حسن

Bettuanna : “pokedoi kedo madecengnge ri tengngana rupa taue”.

Umma selleng male’bikku engkae hadere,

          Pura Narampei Gurutta Kali Sidenreng makkada : engka matu siddi wettu naiparikantonna setangnge. Ahh terbuktini makkukkue….Mubbani HPwe, Mubbai LAPTOPe, Mubbai toni INternet, Fesbuk, twiter dll, tanra makkada canggini linoe, macawe’ni mabelae, weddinni itiro mata sininna massobbue… yake canggi toni ampe kedo napapolewe. Aja’na urampeangngi tassiddi-siddi. Yamannennaro wedding solangiwi ampe kedona wijatta. Bukan berarti menggunakan teknologi SALAH, tapi Narekko de’ namadeceng palla’na yarega atinna sibawa paddissengenna wijae….eh mannessanitu nalai SOLO’, tosukkurumopa yako nalamoi solo ekee nullemoi mewaiwi alena, ya massangka ko nalatoni solo namalemme.. nauzubillah. Tanna podo aja..

          Umma selleng male’bikku engkae hadere, agana pale irennuang padecengiwi sininna mappakkuero, satu hal yang hilang di tengah2 kita sekarang adalah Budaya SIPAKATAU, SIPAKAINGE. Turu’ padae narampei PAT rilalenna akorang male’bina makkada :

والعصر. إن الانسا ن لفى خسر. الا الذين امنوا وعملوا الصالحات وتواصوا بالحق وتوصوا بالصبر.

Bettuanna : “sinninna taue muttamai ri lalellana arogiangengnge, sangngadinna tau mateppe’e enrengnge tau pigaue amala madeceng, napada sipaseng-paseng ri tongengnge nenniya sipaseng-paseng riasabbarakengnge.”

          narampei toi PAT rilalenna akorang male’bina makkada :

وذكر فان الذكرى تنفع المؤمنين.

Bettuanna : “apparingngerrakki mennang, majeppu iyyatu apparingngerrangnge makkegunai ritau mateppe’e”.

           Oleh karena itu tomatoa malebbikku engakae hadere… niat madeceng, enrengnge pakkuraga maraja nasibawai paddoangeng mapaccing ri PAT, untuk moloiwi keadaangnge makkukkue serekkuammengngi weddingngi natimpakeng PAT patiroanna laoripada idi’ maneng pabbanuae namadeceng akkalinoangnge.

Makkedai rilalenna LONTARAE :

naiyya padecengi assiajingengnge ri kampongnge iyyanaritu :

·       Sianrasa-rasannge nasiammase-masei

·       sipakario-rio

·       Tessicarinnae ri sitinajae

·       Sipakainge' ri gau' patujue

·       Siaddappengeng pulanae

Umma selleng male’bikku engkae hadere,

Sikira-kira maggangkani uwala ada assiparingngerrangeng ripada idi maneng, mammuare engkai mabbarakka ripada idi maneng lebbi-lebbipa ritau mabbicarae. nareko engka ada-adakku tassala, mammuare taddampengi nasaba iyyatu atassalangengnge engkai ri rupa tauwe.

بارك الله لى ولكم

والله يتولى الصا لحين

والسلام عليكم ورحمة الله وبركا ته